Pradstaŭniki ministerstvaŭ abarony Biełarusi i ZŠA abmierkavali pytańni mižnarodnaj biaśpieki ŭ vajskovaj śfiery, paviedamiła ŭ aŭtorak pres-słužba biełaruskaha viedamstva.
ria.ru
«Adbyłasia sustreča ministra abarony Biełarusi hienierał-lejtenanta Andreja Raŭkova z namieśnikam pamočnika ministra abarony ZŠA doktaram Majkłam Karpienteram. Baki abmianialisia pohladami pa pytańniach mižnarodnaj biaśpieki ŭ vajennaj śfiery», — havorycca ŭ paviedamleńni.
Jak raniej paviedamiła pasolstva ZŠA ŭ Minsku, Karpienter u paniadziełak prybyŭ u Minsk z aficyjnym vizitam, jon praciahniecca da 30 sakavika. Pavodle paviedamleńnia dypmisii, «padčas vizitu ŭ Minsk płanujucca sustrečy ź ministerstvam abarony Biełarusi, ministerstvam zamiežnych spraŭ i Alaksandram Łukašenkam».
Vizit Karpientera paśledavaŭ za kansultacyjami, praviedzienymi delehacyjaj ministerstva abarony Biełarusi ŭ Vašynhtonie ŭ śniežni 2015 hoda.
