U stalicy padčas praviedzienaj padatkovymi orhanami akcyi «Zdaješ kvateru — zapłaci padatak» pastupiła 105 telefanavańniaŭ nakont 114 kvater, jakija, jak miarkujecca, zdajucca ŭnajom nielehalna, paviedamiła namieśnik načalnika inśpiekcyi Ministerstva pa padatkach i zborach pa Minsku Halina Hurynovič.
Akcyja, jakaja sioleta pravodziłasia z 21 pa 25 sakavika, adbyłasia ŭžo ŭ treci raz. Pavodle słoŭ Hurynovič, z 28 sakavika pačatyja kantrolnyja mierapryjemstvy pa sihnałach, što pastupili: «My razasłali infarmacyju pa rajonnych padatkovych inśpiekcyjach, i jany buduć praviarać usie fakty».
Letaś pastupiła prykładna stolki ž telefanavańniaŭ taksama pra 114 kvater.
U 2015 hodzie ŭ stalicy było vyjaŭlena pryblizna tysiača hramadzian, jakija nielehalna zdavali kvatery ŭnajom. Jany pryciahnutyja da administracyjnaj adkaznaści na ahulnuju sumu 1 młrd rubloŭ. Za pieršyja dva miesiacy 2016 hoda ŭ Minsku vyjaŭlena 116 parušalnikaŭ, im vystaŭlena da vypłaty 117 młn rubloŭ.