Stali viadomyja novyja padrabiaznaści spravy lidara Abjadnanaj hramadzianskaj partyi Anatola Labiedźki ab niezapłačanych administracyjnych štrafach. Jak paviedamlałasia sudovyja vykanaŭcy aryštavali jaho aŭtamabil «Falksvahien Džeta», nakłali aryšt na rachunak palityka na mabilnym telefonie. U piatnicu Labiedźka napisaŭ u Facebook, što nakładzieny aryšt na aŭtamabil jaho žonki Śviatłany.
Administracyjnyja šmatmiljonnyja štrafy apazicyjny palityk atrymaŭ za aktyŭny ŭdzieł u niesankcyjanavanych vuličnych akcyjach — salidarnaści z pradprymalnikami i suprać milicejskaha hvałtu.
«I ŭsio dziela adnaho — klap u rot albo šapčyciesia na kuchni! Kanviejer staŭ daŭžejšy. Da amapaŭcaŭ, sudździaŭ dałučylisia sudovyja vykanaŭcy», — napisaŭ Anatol Labiedźka.
