Jon adznačyŭ, što važnaj zadačaj było vyznačyć typ reaktara budučaj stancyi, i ŭ navukovym płanie heta rabota zavieršana. «My aryjentujemsia na reaktar treciaha pakaleńnia evalucyjnaha typu — VVER», — skazaŭ Alaksandr Michalevič. Jon adznačyŭ, što ŭ śviecie nakopleny 10‑hadovy vopyt ekspłuatacyi takoha abstalavańnia, i bolš jak 80 pracentaŭ ahulnaj kolkaści dziejučych u śviecie reaktaraŭ adnosicca da hetaha typu.
Biełaruś budzie prymianiać tolki pravieranyja technałohii pry budaŭnictvie AES, nijakaje ekśpierymientalnaje abstalavańnie vykarystoŭvacca nie budzie, dadaŭ akademik.
Pavodle jaho słoŭ, u Rasii ciapier raspracoŭvajecca reaktar pakaleńnia 3 plus, adnak biełaruskija vučonyja ličać bolš metazhodnym budaŭnictva ŭ Biełarusi błokaŭ treciaha pakaleńnia, jakija ŭžo šyroka aprabavany.
«My pavinny budavać samy nadziejny błok», — padkreśliŭ Alaksandr Michalevič.
Padrychtoŭka da budaŭnictva AES u Biełarusi viadziecca ŭ adpaviednaści ź mižnarodnymi normami i pry hetym prymianiajucca samyja strohija kryteryi adnosna biaśpieki i nadziejnaści budučaj stancyi. U pryvatnaści, strohija kryteryi prymianiajucca pry vybary placoŭki dla AES i inšych rabotach pa hetamu prajektu.
Pavodle słoŭ Alaksandra Michaleviča, asablivaja ŭvaha budzie nadadziena kantrolu jakaści abstalavańnia, jakoje pastaŭlajecca, u tym liku pry jaho transparciroŭcy. Na ŭsich etapach — ad budaŭnictva da ŭviadzieńnia ŭ ekspłuatacyju — budzie ažyćciaŭlacca manitorynh za ŭpłyvam AES na navakolnaje asarodździe.
U Biełarusi taksama stvarajecca nieabchodnaja narmatyŭna‑pravavaja baza ŭ halinie atamnaj enierhietyki. Naprykład, padrychtavany prajekt zakona ab vykarystańni atamnaj enierhii. Akramia hetaha, praduhledžvajecca amal 120 narmatyŭnych dakumientaŭ u hetaj halinie.
