Pravasłaŭnyja vierniki siońnia adznačajuć adno z samych vialikich śviataŭ — Dabravieščańnie Praśviatoj Baharodzicy.
Hetaje śviata ŭstanoŭlena ŭ pamiać pra padzieju, kali archanhieł Haŭryił, pasłany Boham u horad Nazaret, apaviaściŭ Dzievu Maryju ab biazhrešnym začaćci i naradžeńni joju Syna Usiavyšniaha. Ličycca, što mienavita ŭ hety dzień na Maryju syšoŭ Duch Śviaty i jana začała Bohadzicia Isusa.
Słova «dabravieščańnie» aznačaje «dobraja, radasnaja viestka», viestka pra toje, što pačałosia vyzvaleńnie čałaviečaha rodu ad hrachu i viečnaj śmierci.
Śviata nastolki šanavanaje, što kali jano zdarajecca ŭ Vialiki post, to post pasłablajecca, a kali ŭ Vialikdzień, to śviatkujecca i tady.
Našy prodki kazali: «Dabravieščańnie — samaje vialikaje ŭ Boha śviata». U hety dzień sonca hulaje na ŭzychodzie, jak heta byvaje ŭ inšyja najvažniejšyja śviaty.
Dabravieščańnie taksama supadaje ŭ narodnym ujaŭleńni z pačatkam viasny.
Paśla hetaha dnia pačynalisia sielskahaspadarčyja raboty, u hety dzień čakali prylotu ptušak.
Vialikdzień pravasłaŭnaja hramada budzie śviatkavać 1 maja.