Idealny paradak uzdoŭž MKAD daručana ŭvieści ŭ krasaviku. Pra heta paviedamiŭ žurnalistam staršynia Savieta Respubliki Michaił Miaśnikovič paśla abjezdu Minskaj kalcavoj aŭtadarohi ŭ składzie kamisii.
«U metach vykanańnia daručeńnia prezidenta kamisija, u skład jakoj uvajšli pradstaŭniki Savieta Respubliki, ŭrada, Minabłvykankama i Minharvykankama, architekturnych słužbaŭ, razhledzieła prablemnyja pytańni, źviazanyja z dobraŭparadkavańniem Minskaj kalcavoj aŭtamabilnaj darohi i prylehłych terytoryj. Pastaŭlena zadača na praciahu krasavika navieści idealny paradak jak na terytoryjach hramadskaha karystańnia, tak i ŭ pryvatnym siektary», — skazaŭ Michaił Miaśnikovič.
Jon kanstatavaŭ, što realizacyja architekturnych prapanoŭ, pra jakija kiraŭniku krainy dakładvali ŭ 2014 hodzie, ažyćciaŭlajecca vielmi pavolna. Pa słovach staršyni Savieta Respubliki, na niekatorych terytoryjach hetuju pracu navat nie pačynali. U suviazi z čym pastaŭlena zadača ab udakładnieńni architekturna-płanirovačnych rašeńniaŭ.
Asablivuju zakłapočanaść, pa słovach Michaiła Miaśnikoviča, vyklikaje niepryvabny vonkavy vyhlad haražnych masivaŭ i niekatorych unutrydvarovych terytoryj u pryvatnym siektary.
Pryvieści ich u naležny stan daručana na praciahu miesiačnika pa dobraŭparadkavańni stalicy.
