Izrailskaja avijakampanija «Arkia» z 18 krasavika pačynaje vykonvać paloty pa maršrucie Tel-Aviŭ — Minsk — Tel-Aviŭ, paviedamili ŭ departamiencie pa avijacyi Ministerstva transpartu i kamunikacyj Biełarusi.
«Avijakampanija budzie vykonvać niekalki rehularnych rejsaŭ na tydzień», - adznačyli pradstaŭniki departamienta.
Jak udakładnili ŭ Nacyjanalnym aeraporcie Minsk, pasažyry zmohuć lotać u paniadziełak i piatnicu ź biełaruskaj stalicy ŭ aeraport Ben-Huryjona Tel-Aviva z mahčymaściu nastupnych stykovak na ŭnutranyja rejsy ŭ Ejłat i Chajfu. Ź lipienia izrailski avijapieravozčyk płanuje vykonvać dadatkovy rehularny rejs pa sieradach.
Da hetaha času ź Minska ŭ Tel-Aviŭ rejsy vykonvała tolki ajčynnaja avijakampanija «Biełavija».
Izrailskaja avijakampanija «Arkia», jakaja raźmiaščajecca ŭ aeraporcie imia Ben-Huryjona, zasnavana ŭ 1949 hodzie. Heta druhi (paśla «El Al») pa vieličyni avijapieravozčyk ŭ Izraili.
