Pasažyry Minskaha mietrapalitena ŭ chutkim časie zmohuć ubačyć na infarmacyjnych płakatach i videaekranach u padziemcy novaha «supracoŭnika» — animacyjnaha piersanaža Mietroviča, paviedamili ŭ staličnaj padziemcy.
metropoliten.by
Vyjava Mietroviča budzie vykarystoŭvacca ŭ roznych infarmacyjnych i prapahandysckich materyjałach minskaha mietro. Akramia taho, užo iduć pracy nad stvareńniem animacyjnych rolikaŭ, u jakich novy hieroj raskaža pasažyram pra toje, jak pavodzić siabie ŭ toj ci inšaj situacyi, jak vykonvać praviły biaśpieki.
Na «rolu» Mietroviča dyzajniery sprabavali niekalki piersanažaŭ, ź jakich byŭ abrany mienavita hety paciešny čałaviečak u formie supracoŭnika mietrapalitena. Jaho pravobrazam staŭ uładalnik hanarovaha zvańnia «Minčanin hoda-2015», načalnik stancyj «Malinaŭka» i «Piatroŭščyna» Uładzimir Kažadub, jaki pracuje ŭ mietro z dnia jaho adkryćcia.
U Minskim mietrapalitenie spadziajucca, što pasažyry na novaŭviadzieńnie adreahujuć stanoŭča, bo dla mnohich animacyjny piersanaž sapraŭdy stanie krynicaj karysnaj i patrebnaj infarmacyi. Paśla, kali Mietrovič pryjdziecca pasažyram pa dušy, jaho vobraz budzie ŭvasablać mietrapaliten u cełym.
Jak vam takaja ideja? Vykazvajciesia u kamientarach!