Stvaralniki vydaviectva, litaratary Źmicier Višnioŭ i Michaś Bašura, pradstavili ŭžo vydadzienyja knihi j anansavali budučyja seryi, a taksama ueb‑sajt: www.goliafy.com
Siarod vystupoŭcaŭ byli aŭtary, čyje knihi ŭžo pabačyli śviet dziakujučy «Halijafam», a taksama tyja, čyje tvory patrapili ŭ partfolijo vydaviectva j rychtujucca da druku.
Usiaho «Halijafy» prezentavali čatyry knihi: «Miljard udaraŭ» Jurja Stankieviča; «Ekzystencyjny piejzaž» Viki Trenas; «Zabi ŭ sabie Sakrata!» Viery Burłak i Viktara Žybula; «Sto daroh» Uładzimira Nieściaroviča.
Da druku rychtujucca seryi «Druhi front mastactvaŭ», «Adsutnaje biełaruskaje mastactva», «Kalekcyja biełaruskaj fantastyki», «Partrety polskaj litaratury», a taksama šerah dziciačych tvoraŭ. Pakul aŭtarskuju skarbonku vydaviectva składajuć, u asnoŭnym, tvorcy Druhoha frontu mastactvaŭ, «radykalnaj» supołki «Schmerzwerk».
Na prezentacyi było taksama abvieščana pra zasnavańnie konkursu imia Paŭluka Šukajły, pieramožcy jakoha zmohuć nadrukavacca ŭ «Halijafach».
Vydaviectva «Halijafy» zasnavanaje ŭ 2007 h. Lohatypam vydaviectva źjaŭlajecca vyjava Halijafa — afrykanskaha žuka‑hihanta.