Adznaku «vykanana» adnosna biaźvizavaha režymu Ukrainy i ES možna budzie pastavić praź niekalki miesiacaŭ. Pra heta prezident Ukrainy Piatro Parašenka zajaviŭ u zvarocie adnosna rašeńnia Jeŭrakamisii.
«Biaźvizavy režym byŭ maim abaviazacielstvam pierad vami. Adznaku «vykanana»možna budzie pastavić praź niekalki miesiacaŭ. Na šlachu da hetaha rašeńnia my praviali reformy, jakija źmianili krainu. ES vysoka aceńvaje i padtrymlivaje našy reformy. Ad imia ŭkrainskaha naroda chaču padziakavać Jeŭrakamisii za heta rašeńnie, jakoje jašče bolš zbližaje nas z adzinaj jeŭrapiejskaj siamjoj», — adznačyŭ Parašenka.
Jon padkreśliŭ, što heta byŭ doŭhi šlach ciažkaj dypłamatyčnaj i ŭnutrypalityčnaj pracy.
«Pamiataju kožny krok na hetym šlachu, kožnaje rašeńnie, praktyčna kožnuju litaru ŭ biaźvizavym zakanadaŭstvie. I ŭvohule my vykanali płan, jaki ŭtrymlivaŭ u sabie amal 140 umoŭ. Samyja hałoŭnyja ź jakich tyčacca novaj efiektyŭnaj sistemy biaśpieki i baraćby z karupcyjaj. U pryvatnaści, usie antykarupcyjnyja zakanadaŭstvy pryniatyja jak adna z umoŭ admieny viz», — skazaŭ Parašenka.
Siońnia Jeŭrapiejskaja kamisija prapanavała Jeŭraparłamientu i Radzie Jeŭrapiejskaha sajuza admianić vizy dla hramadzian Ukrainy. Jašče ŭ śniežni 2015 hoda paviedamlałasia ab vykanańni Ukrainaj usich umoŭ dla libieralizacyi vizavaha režymu ź ES.
