Bolš za 2 miljardy čałaviek pražyvajuć u rehijonach śvietu, dzie isnuje niebiaśpieka raspaŭsiudžvańnia virusa Zika, havorycca ŭ daśledavańni, apublikavanym u časopisie eLife.
Pieršapačatkova ličyłasia, što virus Zika, jaki pryvodzić da ciažkich pryrodžanych defiektaŭ pieradajecca praz ukusy adnoj z raznavidnaściaŭ maskitaŭ — Aedes aegypti, abo kamara žoŭtalichamankavaha.
U suviazi z uspyškaj zachvorvańnia, vyklikanaha hetym virusam, u pačatku hetaha hoda ŭ šerahu krain była abjaŭlena nadzvyčajnaja situacyja.
Apošnija daśledavańni pakazali, što raspaŭsiudžvańnie virusa Zika nie abmiažoŭvajecca adnym areałam pražyvańnia Aedes aegypti - praces pieradačy zachvorvańnia bolš składany.
Na kartach, apublikavanych u časopisie eLife, imaviernaja vobłaść raspaŭsiudžvańnia virusa achoplivaje terytoryi ad paŭnočnaj Aŭstralii da paŭdniovaj Azii, usiu centralnuju i častki zachodniaj i paŭdniovaj Afryki, a taksama bolšuju častku Paŭdniovaj i častka Paŭnočnaj Amieryki, uklučajučy uźbiarežžy ZŠA.
