 |
Padstavaj dla sudovaha raźbiralnictva mohuć stać vykazvańni Łukašenki padčas zvarotu da parłamienta 29 krasavika. Prezident niekalki razoŭ niepavažna vykazaŭsia na adras eks‑kandydata ŭ prezidenty, a zaraz palitźniavolenaha Alaksandra Kazulina.
U pryvatnaści, Alaksandr Łukašenka skazaŭ:
«Znajšli vašyvaha apazicyjaniera, što 1,5 % na vybarach atrymaŭ, i zrabili jaho palitviaźniem. Apazicyja nie choča, kab jaho vypuskali. Kali jon zaŭtra vyjdzie na svabodu, apazicyi toj nie budzie. Śviatoha ŭ hetym čałavieku ničoha niama… Piaciora vykarystali, a jon nie: «Momant jamu nie nastupiŭ». Dy kamu ty patrebny, ciabie jak tualetnuju papieru vykarystoŭvajuć. Kamu ty patrebny?.»
***
‑ Ja nie ździŭlenaja, što Łukašenka dvojčy uzhadvaŭ pra Alaksandra Kazulina. Heta jašče raz śviedčyć, što mienavita Kazulin jaho vielmi cikavić i mienavita z‑za jaho Łukašenka nijak nie moža supakoicca. Kali raniej Kazulin byŭ «admarozkam», jaki «adčyniaŭ piva Łukašenku», to zaraz jon pieratvaryŭsia ŭ «vašyvaha apazicyjaniera». Nasamreč heta tolki demanstruje sutnaść našaha prezidenta, nahadvaje nam, adkul jon źjaviŭsia, pra jaho adukacyju, pra jaho kulturu.
Pavodle Volhi Kazulinaj, nie vyklučana, što abaroncy Alaksandra Kazulina praviaduć jaho miedyčnuju ekśpiertyzu, kab vyśvietlić, ci jość ŭ jaho piedykuloz. A potym možna budzie razhladać pytańnie ab nakiravańni ŭ sud zysku suprać prezidenta za abrazu honaru i hodnaści.
‑ Ja prosta ŭ šoku. Kali takija słovy vykarystoŭvajucca na adras sumlennaha čałavieka, prafiesara, eks‑kandydata ŭ prezidenty. Hety sudovy praces moža jašče raz zaśviedčyć, jaki pravavy nihilizm isnuje ŭ Biełarusi, — dadała V.Kazulina.
