Futbolny kłub «Krumkačy» atrymaŭ valavuju pieramohu nad daśviedčanaj mazyrskaj «Słavijaj». Matč prachodziŭ 23 krasavika ŭ ramkach 4 tura čempijanatu Biełarusi pa futbole na staličnym stadyjonie FK «Minsk».
Dźvie traciny ŭsiaho hulniavoha času sapierniki vypraboŭvali adzin adnaho, ale nie mahli adkryć lik. Usio vyrašyłasia na 68-j chvilinie, kali kapitan «Krumkačoŭ» Filip Ivanoŭ realizavaŭ pienalci i zabiŭ haściam hoł. Vynik — 1:0.
Paśla 4 turaŭ «Krumkačy» nabrali 8 ačkoŭ i zaniali ŭ turnirnaj tablicy 3 miesca.
Nahadajem, što siońnia «Viciebsk» prymaŭ «Isłač» i sastupiŭ ź likam 1:2. A «Isłač» z 10 ačkami pieramiaściłasia na pieršy radok turnirnaj tablicy.
«Krumkačy» — futbolny kłub, jaki nie finansujecca dziaržaŭnymi strukturami i vykarystoŭvaje biełaruskuju movu ŭ svajoj simvolicy.
