Telekanał BBC-2 pakaža 3 maja prahramu «Teoryi zmovy: Chto źbiŭ MH17?» Ab roznych viersijach krušeńnia małajzijskaha «Boinha» ŭ Danbasie.
Jak piša The Daily Mail, u prahramie havorycca, što isnujuć pakazańni vidavočcaŭ, adroznyja ad aficyjnaj viersii krušeńnia łajniera, u jakoj havorycca, što jon byŭ źbity rakietaj «Buk». Tak, siamiora sa sta apytanych vidavočcaŭ śćviardžali, što nibyta bačyli ŭ niebie niezadoŭha da padzieńnia «Boinha» dva samaloty, i śćviardžali, što adzin ź ich byŭ ukrainskim źniščalnikam. Adzin sa śviedkaŭ navat śćviardžaŭ, što bačyŭ zapusk rakiety pierad krušeńniem samalota, jaki lacieŭ na vyšyni bolš za 10 tysiač mietraŭ.
Nijakich inšych dokazaŭ viersii pra ataku źniščalnika na «Boinh» u filmie, jak vynikaje z artykuła The Daily Mail, nie pryvodzicca. Taksama ŭ prahramie zhadvajecca viersija byłoha achoŭnika Barysa Bierazoŭskaha Siarhieja Sakałova, jaki śćviardžaŭ, što vałodaje dokazami dačynieńnia CRU da krušeńnia «Boinha». Nijakaha aficyjnaha paćviardžeńnia hetym zdahadkam niama.
