Alaksandr Łukašenka patrabuje addačy ad układzienych u raźvićcio chakiejnaha kłuba «Dynama-Minsk» srodkaŭ. Pra heta kiraŭnik dziaržavy zajaviŭ siońnia, prymajučy z dakładam ministra ŭnutranych spraŭ, staršyniu naziralnaj rady kłuba Ihara Šunieviča.
Na sustrečy abmiarkoŭvałasia dalejšaje funkcyjanavańnie chakiejnaha kłuba «Dynama-Minsk». Kiraŭnik krainy adznačyŭ, što taksama hutaryŭ sa staršynioj Biełaruskaj fiederacyi chakieja Iharam Račkoŭskim, jaki naroŭni ź Iharam Šunievičam niasie adkaznaść za raźvićcio dynamaŭskaha kłuba. «Heta asnoŭny kłub, heta asnova našaj zbornaj», — padkreśliŭ biełaruski lidar.
Kiraŭnik dziaržavy źviarnuŭ uvahu, što nieŭzabavie startuje čempijanat śvietu pa chakiei, pa jaho zakančeńni budzie zasłuchany adpaviedny dakład. «Budzie pra što pahutaryć. Hetaje pytańnie taksama davajcie abmiarkujem», — skazaŭ jon.
«Ja absalutna nie źbirajusia ŭmiešvacca ŭ rasstanoŭku kadraŭ. Heta vaša prerahatyva. Z kim chočacie, rajciesia, ale ŭ nastupnym hodzie treba pakazvać vynik. My płacim niemałyja hrošy. Darečy, taksama treba ekanomna da hetaha stavicca. I addača pavinna być. Vy sami heta razumiejecie nie horš za mianie», — padkreśliŭ Alaksandr Łukašenka
