Načalnik SIZA ŭ rasijskim Novačarkasku, u jakim utrymlivajuć asudžanuju ŭkrainskuju lotčycu i nardepa Nadzieju Saŭčanka, vydaŭ joj pakiet dakumientaŭ dla ekstradycyi va Ukrainu, paviedamiła jaje siastra Viera Saŭčanka.
Pra heta siastra lotčycy raspaviała TSN paśla spatkańnia ź joj.
«Jana ciapier zapaŭniaje dakumienty: zajavu, bijahrafičnyja dadzienyja i inšyja. Jak skazaŭ načalnik turmy Kałhanaŭ, jany nieabchodnyja dla ekstradycyi. Joj skazali, što hetyja dakumienty pavodle pracedury nieabchodna zapoŭnić dla ekstradycyi. Budziem spadziavacca, što heta tak», — kaža Viera.
Pavodle jaje słoŭ, Nadzieja, choć i zapaŭniaje papiery, usio ž aścierahajecca, što hetyja dakumienty mohuć być vykarystanyja dla etapavańnia, pakolki ŭ pačatku pracesu jaje ŭžo padmanvali z zapaŭnieńniem dakumientaŭ.
Stan zdaroŭja Saŭčanka, jak raspaviała jaje siastra, narmalny, a nastroj dobry, jana ŭžo moža ŭžyvać narmalnuju ježu.
Pry hetym u jaje nazirajecca prablema z nahami — jany aciakajuć z-za parušeńnia funkcyjanavańnia nyrak.
