Na konkursie pryhažości «Mis «Biełaruś» A. Łukašenka znoŭ prysutničaŭ z maleńkim chłopčykam, ź jakim ad peŭnaha času jon źjaŭlajecca ŭ časie ŭsich svaich vychadaŭ na publiku.
Paśla taho jak chłopčyk supravadžaŭ jaho ŭ vielikodnaje padarožža pa Paleśsi, łukašenkaŭskaje ahienctva «Interfaks» upieršyniu supravadziła nfarmacyju daviedkaj, što ŭ A. Łukašenki «try syny, najmałodšamu, Mikałaju 4 hady». Praź niejki čas hetaja daviedka była źniataja biez tłumačeńniaŭ, adnak jaje paśpieli pieradrukavać roznyja ŚMI.
Žonka A. Łukašenki, Halina, žyvie asobna ad jaho, u pryharadzie Škłova, u dobra achoŭvanym budynku, abmiežavanaja ŭ svaich kantaktach ź ŚMI.
«Ja ŭžo skazaŭ: mienšy syn budzie prezydentam Biełarusi», — užo trojčy zajaviŭ A. Łukašenka, i hetyja słovy byli raspasiudžany aficyjnymi medyjami.
Na konkurs nie byli dapuščanyja fatohrafy niezaležnych ŚMI. Jak viadoma, afcyjnyja fatohrafy majuć prava fatahrafavać A. Łukašenku tolki z peŭnych vyjhryšnych rakursaŭ.
