Ułady Francyi vystavili aficyjnyja abvinavačańni Sałachu Abdesłamu, paviedamiŭ jahony advakat Frank Biertan.
Hałoŭnaha padazravanaha ŭ arhanizacyi listapadaŭskich teraktaŭ u Paryžy abvinavačvajuć u zabojstvie, suviaziach z terarystyčnymi hrupami, a taksama ŭ zachoŭvańni zbroi i vybuchoŭki.
Abdesłam znachodzicca ŭ adzinočnaj kamiery, paviedamiŭ advakat.
20 maja projdzie jašče adno sudovaje słuchańnie adnosna jaho roli ŭ padrychtoŭcy paryžskaha teraktu.
Raniej bielhijskaja prakuratura paviedamiła, što Abdesłam byŭ ekstradavany ź Bielhii ŭ Francyju. U Bielhii jamu byli vystaŭlenyja abvinavačańni ŭ zabojstvie i teraryźmie.
0
0
0
0
0
0