Paŭnočnaja Kareja ŭ čaćvier ździejśniła zapusk balistyčnaj rakiety, jaki, pavodle papiarednich dadzienych, akazaŭsia niaŭdałym.
Jak pieradaje paŭdniovakarejskaje ahienctva Yonhap sa spasyłkaj na minabarony, rakieta, mierkavana typu «Musudan», była zapuščanaja ŭ 06:40 z vakolic horada Vansan i ŭpała na ziamlu praź niekalki siekund palotu, piša Rosbałt.
U vajennym viedamstvie dadali, što Sieuł sumiesna z ZŠA prystupiŭ da rasśledavańnia hetaha incydentu.
Pra apošni pusk paŭnočnakarejskaj balistyčnaj rakiety ŚMI Paŭdniovaj Karei paviedamlali 15 krasavika. Pavodle dadzienych paŭdniovakarejskaj vyviedki, jon zaviaršyŭsia niaŭdačaj: rakieta źnikła z radaraŭ praź niekalki siekund paśla zapusku. Jak miarkujecca, jana vybuchnuła ŭ pavietry. Paśla hetaha krynicy ŭ Sieule taksama paviedamlali, što Pchieńjan rychtujecca da vyprabavańnia novaj balistyčnaj rakiety siaredniaha radyusu dziejańnia.
