Čempijanat śvietu pa chakiei startavaŭ u Halifaksie i Kvebeku (Kanady).
Favaryty – čechi, kanadcy, amerykancy, słavaki, rasiejcy, finy i švedy vyjhrali svaje pieršyja matčy.
Biełarusy ŭ dramatyčnym matčy prajhrali švedam 5:6, choć hulnia jšła na roŭnych.
Našy prajhravali 0:2, potym trojčy vyryvalisia napierad (3:2, 4:3, 5:4). Treci peryjad pačynaŭsia pry liku 4:4, ale ŭrešcie skandynavy akazalisia bolš udačlivymi. Zamiena varatara Vitala Kovala šostym palavym hulcom na apošniaj chvilinie treciaha peryjadu nie pamahła.
Chronika matču: 0:1 — Juchansan (4), 0:2 — Bakstram (13), 1:2 — Kaściučonak (19), 2:2 — Zadzialonaŭ (23), 3:2 — Uharaŭ (24), 3:3 — Hornkvist (27), 4:3 — Žuryk (36), 4:4 — Nilsan (38), 5:4 — Mialeška (41), 5:5 — Hornkvist (44), 5:6 — Valin (51).
Nastupny matč naša kamanda zhulaje 5 maja z Švajcaryjaj. Na lod pavinien vyjści naš najmacniejšy abaronca Rusłan Salej.
Telekamera spyniałasia na hurtach biełaruskich fanaŭ na trybunach. Adny ź ich trymali čyrvona-zialonyja, druhija — bieł-čyrvona-biełyja ściahi i vialiki transparant «Biełaruś, napierad».