Zasnavalnik francuzskaj ultrapravaj partyi «Nacyjanalny front» Žan-Mary Le Pien zajaviŭ u niadzielu, 1 maja, što jaho dačka Maryn Le Pien, ciapierašni lidar arhanizacyi, asudžanaja prajhrać na prezidenckich vybarach u nastupnym hodzie. Pra heta paviedamlaje Reuters.
«Mnie ciažka i horka pra heta kazać, ale pakolki nie było nijakich namahańniaŭ da prymireńnia, kandydat u prezidenty ad Nacyjanalnaha frontu pacierpić parazu ŭ druhim tury a, mahčyma, navat i ŭ pieršym», - skazaŭ žurnalistam Žan-Mary Le Pien ŭ Paryžy padčas cyrymonii pierad pomnikam Žanny d'Ark.
Žan-Mary Le Pien byŭ vyklučany z «Nacyjanalnaha frontu» 20 žniŭnia 2015 hoda. Pryčynaj staŭ šerah jaho rezkich zajaŭ, jakija dačka palityka paličyła nieprymalnymi i zapatrabavała adchilić jaho ad pasady.
U pryvatnaści, Le Pien zajaviŭ, što hazavyja kamiery — «usiaho tolki elemient Druhoj suśvietnaj vajny», a dziejnaha premjer-ministra Francyi Manuela Valsa, uradženca Ispanii, jon nazvaŭ mihrantam.
