Kandydat u prezidenty ZŠA Donald Tramp zajaviŭ, što rana ci pozna ZŠA buduć vymušanyja stralać pa rasiejskich źniščalnikach, jakija lotajuć u niebiaśpiečnaj blizkaści ad amierykanskich karabloŭ i samalotaŭ.
Reuters
Pra heta Tramp zajaviŭ u intervju adnoj z radyjostancyj, kamientujučy niadaŭni vypadak z rasiejskim samalotam, jaki zrabiŭ «bočku» la amierykanskaha samalota, piša BuzzFeedNews.
«Było b narmalnym, kali b prezident, skažam, Abama, patelefanavaŭ Pucinu i skazaŭ: «Słuchaj, zrabi łasku, nie rabi hetaha bolš, spyni taho mańjaka». Ale ŭ nas niama takoha rodu prezidenta», — zajaviŭ Tramp.
Jon dadaŭ, što rana ci pozna takuju situacyju (z pavodzinami rasijskich samalotaŭ) budzie niemahčyma pryniać, i «ŭ peŭny momant vy pavinny zrabić niešta».
Tramp dadaŭ, što kali dypłamatyja nie budzie pracavać, ZŠA pavinny buduć adkryć ahoń.
Jak viadoma, u mižnarodnaj pavietranaj prastory nad Bałtyjskim moram rasijski źniščalnik Su-27 ździejśniŭ niebiaśpiečny manieŭr pobač z samalotam-vyviednikam VPS ZŠA RC-135.
Rasijski źniščalnik vykanaŭ «bočku» (pavarot vakoł padoŭžnaj vosi na 360 hradusaŭ z zachavańniem kirunku palotu) na adlehłaści kala 30 mietraŭ ad amierykanskaha samalota.
U Vašynhtonie zajavili, što ličać taki manieŭr nieprafiesijnym i vielmi niebiaśpiečnym.