Hipierhukavyja rakiety mohuć uvajści ŭ arsienał rasiejskich atamnych padvodnych łodak prajekta 949A «Antej», jakija zaraz prachodziać madernizacyju, piša lenta.ru.
Madernizavanyja łodki pavinny viarnucca ŭ skład rasijskaha fłota da 2020 hoda, paviedamiła krynica ŭ abaronnaj pramysłovaści.
«Tam płanujecca vykarystoŭvać i ŭžo viadomyja rakiety kompleksa «Kalibr», i novyja, u tym liku hipierhukavyja. Puskavyja ŭstanoŭki buduć univiersalnymi, łodka zmoža mianiać arsienał u zaležnaści ad zadačy», — skazaŭ surazmoŭca lenta.ru.
«Antei» budavalisia ŭ SSSR, a potym u RF, z 1982 pa 1996 hod. Ciapier u składzie rasijskaha VMF 8 takich padvodnych krejsieraŭ vodaźmiaščeńniem da 24.000 t i z kamandaj u 130 čałaviek.
Padłodka «Kursk», jakaja zahinuła ŭ 2000 hodzie, naležała jak raz da łodak prajekta 949A.
Niaŭdały pusk rakiety na rasiejskim palihonie Nionaksa (Archanhielskaja vobłaść) u kancy 2015 hoda. Hučali mierkavańni, što heta było vyprabavańnie rakiety «Cyrkon».
Ciapier «Antei» majuć 24 puskavyja ŭstanoŭki dla supraćkarabielnych rakiet «Hranit» i 6 tarpiednych aparataŭ. Paśla madernizacyi płanujecca zamianić vialikija pa habarytach PU «Hranitaŭ» na 72 mienšyja ŭniviersalnyja puskavyja ŭstanoŭki.
Hipierhukavyja (z chutkaściu ŭ 5 i bolej razoŭ bolš za chutkaść huku) rakiety 3M22 «Cyrkon» u RF rapracoŭvaje karparacyja «Taktyčnaje rakietnaje ŭzbrajeńnie» jak minimum z 2011 hoda. Infarmacyja pra toje, što ich pačali vypraboŭvać źjaviłasia ŭ sakaviku 2016 hoda.
Amierykanskaja AHW.
Pieršyja vyprabavańni amierykanskaj hipierhukavaj rakiety AHW (Advanced Hypersonic Weapon) pačalisia ŭ 2011 hodzie. Jana źjaŭlajecca častkaj prahramy «Chutkaha hłabalnaha ŭdaru» i maje dalokaść bolš za 3.700 km.
Raźvićcio rakietnaj zbroi marskoha baziravańnia RF aznačaje, što ŭ vypadku kanfliktu dla Biełarusi ŭsio bolš raście pahroza zrabicca cellu i dla vajskova-marskich hrupirovak z Bałtyjskaha mora.
