Ukrainski kancern «Antonaŭ» zrabiŭsia partnioram indyjskaj kampanii Reliance Defence dla ŭdziełu ŭ tendery na raspracoŭku ŭniviersalnaha transpartnaha samalota siaredniaj hruzapadymalnaści.
An-178
Indusaŭ zacikavili pasažyrskija i transpartnyja samaloty An-148, An-158 i An-178, piša biz.liga.net.
Ukrainskaje pradpryjemstva raźličvaje atrymać kantrakt na stvareńnie na bazie svaich raniejšych mašyn samalota, jaki budzie vykarystoŭvacca jak u vajskovych, hetak i cyvilnych metach.
«Patreba indyjskich vajskova-pavietranych sił — bolš za 200 pasažyrskich i transpartych samalotaŭ hetaha kłasa», — skazaŭ pradstaŭnik ukrainskaha boku, spasyłajučysia na źviestki Reliance Defence.
Makiet Ił-214
Raniej ličyłasia, što ŭ jakaści asnovy dla budučaha indyjskaha transpartnika budzie vykarystany rasijski samalot Ił-214, adnak u pačatku hoda sumiesny prajekt RF i Indyi byŭ zamarožany, piša lenta.ru
Ił-214 pakul tak i nie źjaviŭsia, i nie palacieŭ. U hety ž čas ukrainski An-178 padniaŭsia ŭ pavietra ŭ mai 2015 hoda.
Proma-rolik z pakazam palota i charakterystyk An-178.