Prakuratura Minskaj vobłaści nakiravała ŭ abłasny sud kryminalnuju spravu ŭ dačynieńni da niepracujučych 28-hadovaha žychara Stoŭbcaŭ i 26-hadovaha minčanina.
Jak paviedamiła staršy pamočnik prakurora Minskaj vobłaści Łarysa Parchimovič, abodva fihuranty abvinavačvajucca va ŭčynieńni razbojnaha napadu z pryčynieńniem ciažkaha cialesnaha paškodžańnia pa č. 3 art. 207 KK i naŭmysnaha zabojstva z asablivaj žorstkaściu zaviedama sastarełaj asoby, spałučanaha z razbojem, pa č. 2 art. 139 KK.
Pavodle abvinavačańnia dvoje maładych mužčyn, jakija paznajomilisia na vakzale ŭ Minsku, u śniežni 2015 hoda paśla sumiesnaha raśpivańnia śpirtnych napojaŭ pryjechali na elektryčcy ŭ Maładziečna i z metaj niepasrednaha zavałodańnia majomaściu pranikli ŭ pryvatny dom. Apynuŭšysia zaśpietymi na miescy złačynstva 86-hadovaj haspadyniaj, jakaja była ŭ hety čas u domie, jany nanieśli joj nie mienš za 18 udaraŭ rukami, nahami i ćviordymi pradmietami pa hałavie i ŭsim ciele. Ad atrymanych traŭmaŭ žančyna pamierła. Złačyncy vykrali z doma hrošy i majomaść nie mienš jak na 17,5 młn. rubloŭ i ŭciakli.
Adzin z vypadkovych znajomych, 28-hadovy mužčyna, niahledziačy na svoj małady ŭzrost, užo maje čatyry sudzimaści, dźvie ź jakich za rabavańnie.
Kryminalnym zakanadaŭstvam za ŭčynieńnie razbojnaha napadu z pryčynieńniem ciažkaha cialesnaha paškodžańnia praduhledžanaje pakarańnie ŭ vyhladzie pazbaŭleńnia voli na termin ad 8 da 15 hadoŭ z kanfiskacyjaj majomaści, a za naŭmysnaje zabojstva, spałučanaje z razbojem, ździejśnienaje hrupaj asobaŭ, z asablivaj žorstkaściu zaviedama sastarełaj asoby, jakaja znachodzicca ŭ biezdapamožnym stanie, — pazbaŭleńnie voli ad 8 da 25 hadoŭ, abo pažyćciovaje źniavoleńnie, abo śmiarotnaje pakarańnie.
Papiaredniaje rasśledavańnie hetaj kryminalnaj spravy pravodziłasia ŭpraŭleńniem Śledčaha kamiteta pa Minskaj vobłaści.
