Zatrymanaha ŭdzielnika viełaprabiehu «Krytyčnaja masa» i padazravanaha ŭ hvałtoŭnych dziejańniach u dačynieńni da supracoŭnika DAI Dźmitryja Palijenku pieraviali ŭ SIZA Žodzina. Uviečary 6 maja jamu pradjavili abvinavačvańnie, paviedamlaje pravaabarončy sajt spring96.org.
Akramia taho, 5 maja pačaŭsia razhlad administracyjnaj spravy ab parušeńni praviłaŭ darožnaha ruchu ŭ dačynieńni da naziralnika BCHK Kiryła Kožanava, adnak razhlad byŭ pieraniesieny na 11 maja.
Taksama stała viadoma, što budzie rabicca ahlad miesca zdareńnia i adbudziecca dadatkovy dopyt u suviazi z zajavaj Maksimilijana Bojčanki ab pryciahnieńni supracoŭnikaŭ orhanaŭ unutranych spraŭ da adkaznaści.
Pravaabaroncy nahadvajuć, što žorstkaje zatrymańnie viełasipiedystaŭ — udzielnikaŭ «Krytyčnaj masy» adbyłosia ŭviečary 29 krasavika. U vyniku hrubych dziejańniaŭ AMAPa było zatrymana šeść čałaviek, jakich mocna źbili i advieźli ŭ RUUS Centralnaha rajona. Paźniej čaćviora z zatrymanych padpisali pratakoły ab parušeńni praviłaŭ darožnaha ruchu i akazańni supraciŭleńnia supracoŭnikam orhanaŭ unutranych spraŭ i DAI, a suprać dvaich byli raspačaty spravy pa art. 364 Kryminalnaha kodeksa (hvałt abo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ).
Paźniej dadomu da Maksimilijana Bojčanki, jaki padčas akcyi nie byŭ zatrymany, pryjechali supracoŭniki DAI i ŭručyli pozvu z patrabavańniem źjavicca ŭ RUUS Centralnaha rajona dla ŭdziełu ŭ administracyjnym pracesie.
Hramadskaja akcyja «Krytyčnaja masa» štomiesiac na praciahu 20 hadoŭ bieśpieraškodna pravodzicca bolš čym u 300 haradach śvietu. U ruchu «Krytyčnaja masa» moža pryniać udzieł luby viełasipiedyst. Dla praviadzieńnia zajezdu zahadzia abviaščajecca miesca i čas zboru ŭdzielnikaŭ, u asnoŭnym praz sacyjalnyja sietki, i maršrut śledavańnia.
Jaje metaj źjaŭlajecca papularyzacyja viełaruchu, raźvićcio haradskoj transpartnaj infrastruktury i pryciahnieńnie ŭvahi da prablem zasilla aŭtatranspartu ŭ horadzie, što admoŭna ŭpłyvaje na stan navakolnaha asiarodździa i ŭzrovień biaśpieki darožnaha ruchu.
