Internet-retejler Amazon abviaściŭ pra zapusk ułasnaha videaservisu Amazon Video Direct.
Novy servis źjaŭlajecca palepšanaj viersijaj užo isnujučaha Amazon Direct, pieradaje RBK. Karystalniki novaha videaservisu zmohuć zahružać videaroliki ŭłasnaj vytvorčaści, vybirajučy, abo davać biaspłatny dostup da ich z prahladam rekłamy, abo rabić ich dastupnymi praz płatnuju padpisku.
«My rady, što ciapier stvaralnikam videakantentu budzie praściej znajści svaju aŭdytoryju, a aŭdytoryi — kantent», — adznačyŭ vice-prezident Amazon Video Džym Fryman.
U 2010 hodzie Amazon taksama stvaryŭ studyju pa vytvorčaści videakantentu. Jana vypuściła ŭ efir siem sieryjałaŭ, a taksama niekalki telešoŭ i dziciačych prahram.
Tydzień tamu Bloomberg sa spasyłkaj na svaje krynicy paviedamiŭ, što videachostynh YouTube pracuje nad stvareńniem płatnaha servisu pad nazvaj Unplugged, jaki daść karystalnikam dostup da kabielnych kanałaŭ, tranślavanych praź internet. Jak adznačaje ahienctva, servis pašyryć dostup karystalnikaŭ da kantentu premium-kłasa, što pavialičyć čas prahladu i dachody ad nierekłamnych krynic.
Svoj pieršy płatny servis YouTube Red videachostynh, što ŭvachodzić u Google, jakim vałodaje Alphabet Inc., vypuściŭ vosieńniu 2015 hoda. Jon dazvalaje karystalnikam hladzieć videa biez rekłamy.
