Avijakampanija «Mižnarodnyja avijalinii Ukrainy» (MAU) pavialičvaje z 25 maja kolkaść palotaŭ u Minsk da troch štodzionnych rejsaŭ, paviedamlaje aficyjny sajt avijapieravozčyka.
«U pieryjad z 25 maja pa 22 vieraśnia 2016 hoda MAU narościć intensiŭnaść pavietranych znosin na linii Kijeŭ — Minsk da troch štodzionnych rejsaŭ. Ciapier rejsy pa maršrucie Kijeŭ — Minsk — Kijeŭ vykonvajucca na sučasnych samalotach «Boinh-737» z dvuma kłasami absłuhoŭvańnia — biznes i ekanamičnym», — havorycca ŭ paviedamleńni.
Košt kvitka ekanamičnaha kłasa ŭ abodva baki z ulikam usich zboraŭ i padatkaŭ składaje: z Kijeva ad 5130 hryŭniaŭ (košt moža mianiacca ŭ zaležnaści ad vahańniaŭ kursu hryŭny da dalara ZŠA), ź Minska — ad $199,7.
«U cełym 2016-y prachodzić dla MAU pad znakam pavieličeńnia častotnaści na mnohich napramkach. My nie mahli nie ŭklučyć u hety śpis Minsk, jaki na dadzieny momant vykonvaje rolu asnoŭnaha tranzitnaha punkta dla tych, chto vandrujuje pamiž Ukrainaj i Rasijaj, — adznačyła karparatyŭny pres-sakratar MAU Jaŭhienija Sackaja. — Raskład palotaŭ składzieny takim čynam, kab maksimalna pakryvać usie zapatrabavańni pasažyraŭ. Tak, dabracca da biełaruskaj stalicy i dalej možna ŭ luby zručny čas — ranicaj, dniom ci ŭviečary. Razam z tym, našy klijenty ź Biełarusi i Rasii mohuć praź Minsk dabracca ŭ Kijeŭ, a potym skarystacca ŭsimi pieravahami razhalinavanaj sietki MAU na Zachadzie i Uschodzie».
