IOWA vypuściła novuju pieśniu pad nazvaj «140». Hety trek — himn budučaha leta, zdolny vyrvać nas ź mituśni budniaŭ i viarnuć vostruju prahu da žyćcia i padarožžaŭ.
«140» była napisanaja jašče ŭzimku, kali muzyki poŭnym składam adpačyvali ŭ Tajłandzie. Pa nieščaślivaj vypadkovaści Kacia trapiła tam u avaryju na matacykle, čym na niekatory čas pazbaviła siabie aktyŭnaha volnaha času. Ale zatoje atrymała mahčymaść bolš času pryśviacić novym pieśniam i pracy na studyi, jakaja raźmiaściłasia tam ža — u džunhlach na vostravie Samui.
Adno ź pieršych vykanańniaŭ hetaj pieśni adbyłosia ŭ čas niadaŭniaha vialikaha solnaha kancerta IOWA ŭ Minsku. 2 maja ŭ Pieciarburhu adbylisia zdymki klipa na jaje. Premjera čakajecca ŭ kancy maja. Spampavać kampazicyju možna na iTunes.
Druhi albom IOWA pavinien vyjści ŭ listapadzie 2016. Klip na pieśniu «Bje bit» ź jaho za 7 miesiacaŭ sabraŭ bolš za 35 miljonaŭ prahladaŭ na YouTube. IOWA naminavanaja na Premiju MuzTV 2016 u katehoryi «Najlepšy pop-hurt».
