Jeŭrapiejski humanitarny ŭniviersitet straciŭ adnaho z hałoŭnych sponsaraŭ. Paŭnočnaja rada spyniaje finansavańnie paśla dyskusii pra rolu i stratehiju biełaruskaj VNU ŭ vyhnańni, jakaja šmat dla jakich abituryjentaŭ ź Biełarusi – adziny šaniec na vyšejšuju adukacyju.
Ci aznačaje heta, što skandynaŭski choład padźmie i ŭ bok inšych inicyjatyvaŭ, źviazanych z našaju krainaj?
U jakaści aficyjnaj pryčyny Paŭnočnaja rada nazyvaje nieabchodnaść źmienaŭ u svaim biudžecie z metaju vyzvalić srodki dla prahramaŭ intehracyi ŭciekačoŭ dy mihrantaŭ.
Finansavuju dapamohu biełaruskamu ŭniviersitetu, jaki pracuje ŭ vyhnańni ŭ Vilni, dajuć šmatlikija zamiežnyja fondy. Ale mienavita Rada skandynaŭskich krainaŭ była adnym z hałoŭnych sponsaraŭ EHU.
Srodki ad sponsaraŭ kirujuć u pieršuju čarhu na toje, kab studenty mieli mahčymaść vučycca całkam abo častkova biaspłatna. A tamu ciapier navučalnuju ŭstanovu moža čakać skaračeńnie adpaviednych prahramaŭ, a taksama kolkaści vykładčykaŭ.
«Dla Biełarusi i biełarusaŭ vielmi važna navučycca rabić svoj univiersitet abo źbirać hrošy na svoj telekanał. Vielmi dobra, što my zmahli zrabić heta pry dapamozie zamiežnych krainaŭ. Ciapier heta vyklik dla našaha hramadstva. My samyja pavinny adradžać našuju nacyju, ekanomiku i dziaržavu», – zaznačyŭ u efiry prahramy «Haračy kamientar» były vykładčyk EHU Aleś Łahviniec.
Bolš u videamateryjale:
