Jak hałasujuć prafiesijnyja žury jeŭrapiejskich krain, jakija paciarpieli ad rasijskich (i savieckich) umiašalnictvaŭ za apošniaje stahodździe?
Pačniem ad akupacyi bałtyjskich krain i vajny ź Finlandyjaj dy praciahniem da ahresii u Hruzii i Ukrainie.
Litva. Hledačy (hałasami ruskaj dyjaspary) pastavili Rasiju na 3-je miesca, ale, pa mierkavańni žury, Siarhiej Łazaraŭ najhoršy siarod usich kankursantaŭ.
Estonija. Hledačy staviać Rasiju na 1-je miesca, a žury — na 18-je.
Finlandyja. Pa mierkavańni hledačoŭ u Rasii 3-je miesca, pa mierkavańni žury — tolki 14-je.
Polšča. Padobnaja situacyja — treciaje miesca ad hledačoŭ. I tolki 13-je — ad žury.
Vienhryja. Druhoje miesca ad hledačoŭ i tolki 13-je — ad žury.
Čechija. Hledačy adznačyli Siarhieja Łazarava «srebram», a žury pastaviła Rasiju na apošniaje, 25-je miesca.
Hruzija. Ad hledačoŭ Łazaraŭ atrymaŭ 3-je miesca, ad žury — 23-je.
Ukraina. Hledačy addali Łazaravu «zołata», ale žury apuściła jaho na 22-je miesca.
Vyklučeńniem stała tolki Łatvija, žury jakoj pastaviła Rasiju na 4-je miesca.
Dziela spraviadlivaści adznačym, što jość udzielniki, jakija, naadvarot, pastajanna demanstrujuć padtrymku pradstaŭnikam toj ci inšaj krainy. Naprykład, žury Hrecyi i Kipra faktyčna adzinahałosna pastaviła Rasiju na pieršaje miesca.
