U siecivie znajšli archiŭ, u jakim sabrana amal 3,5 tysiačy hulniaŭ i prahram dla apieracyjnaj sistemy MS-DOS.
The Oregon Trail / dailydot.com
Jak piša «Lenta.ru», pieršyja fajły byli zahružanyja ŭ śniežni 2014 hoda, adnak archiŭ pastajanna abnaŭlajecca. U pryvatnaści, u krasaviku 2016 hoda zbornik dapoŭniŭsia hulnioj 1991 hoda X-Fire.
U kalekcyju ŭvajšli ekšeny, stratehii, pryhody i hulni inšych žanraŭ, a taksama roznyja zabaŭlalnyja prahramy. U pryvatnaści, u archiŭ dadanyja Prince of Persia, Pac-Man, Wolfenstein 3D, SimCity.
Bolš za ŭsio zapampovak sabrała The Oregon Trail — adukacyjnaja hulnia pra žyćcio amierykanskich pijanieraŭ, jakaja šyroka vykarystoŭvałasia ŭ škołach Paŭnočnaj Amieryki. Za paŭtara hoda joju zacikavilisia bolš za 2 miljony čałaviek.
Dla zapusku retrahulniaŭ na sučasnym prahramnym zabieśpiačeńni nieabchodny śpiecyjalny emulatar, jaki taksama vykładzieny na sajcie.
MS-DOS — apieracyjnaja sistema, jakaja vypuskałasia z 1981 pa 2000 hod. Ź siaredziny 80-ch da siaredziny 90-ch hadoŭ MS-DOS była samaj vykarystoŭvanaj apieracyjnaj sistemaj na IBM-PC-sumiaščalnych kampjutarach.
