Russian Look
Pa stanie na 9.55 baral Brent tarhujecca pa 48,5 dalara.
Naftavyja kaciroŭki pačali daražeć na fonie publikacyi dakłada Goldman Sachs, piša Reuters. Bank sprahnazavaŭ, što deficyt na rynku nafty nastupić užo ŭ druhoj pałovie hetaha hoda.
Jak piša Bloomberg, spasyłajučysia na dakład, u Goldman pakazali na źnižeńnie vytvorčaści nafty z-za niečakanych pierabojaŭ z pastaŭkami. Hety faktar, a taksama ŭstojlivy popyt, pryviali da «raptoŭnaha spynieńnia» lišku rynku, miarkujuć analityki. U vyniku bank pavysiŭ prahnoz cany WTI u druhoj pałovie 2016 hoda da $ 50 za baral z $ 45, jakija prahnazavalisia ŭ sakaviku.
Pieraboi z pastaŭkami, da jakich, u tym liku, pryviali lasnyja pažary ŭ Kanadzie i napad na trubapravody ŭ Nihieryi, buduć trymać rynak u deficycie ŭ druhoj pałovie hetaha hoda, čakaje Goldman.
