zviazda.by
Raspačaŭ pracu aficyjny sajt parafii Svv. Symona i Aleny ŭ Minsku. Shyrvony.by akramia aktualnych navin z žyćcia Kaścioła i parafii źmiaščaje karysnuju infarmacyju dla parafijan i ŭsich viernikaŭ Minska.
Inicyjataram i aŭtaram idei sajta staŭ dyjakan Aŭhust Kalasinski, jaki ŭ minułym hodzie raspačaŭ svajo słužeńnie ŭ Čyrvonym kaściole.
«Kali ja pryjechaŭ u parafiju Svv. Symona i Aleny, ja pahladzieŭ, što ŭ takoj vialikaj parafii pavinna być internet-staronka. Ale ŭ takich vypadkach zaŭsiody ŭźnikaje pytańnie: chto hetym budzie zajmacca? Ja, naprykład, sam z nula mahu pad kluč rabić internet-staronki. Tamu prosta padyjšoŭ da probašča z takim pytańniem. Probašč parafii ks. Uładzisłaŭ Zavalniuk achvotna padtrymaŭ maju ideju i daŭ svajo błasłaŭleńnie, kab raspačać takuju pracu», — raspavioŭ dyjakan.
Na sajcie Shyrvony.by akramia navin možna znajści raskład śviatych Imšaŭ, zaniatkaŭ pa padrychtoŭcy da sakramentaŭ, niadzielnych škoł dla dziaciej, a taksama moładzievych sustreč.