Dekadnaja norma apadkaŭ vypała ŭ Homieli ŭ noč z 19 na 20 maja, paviedamili ŭ abłasnym centry pa hidramietearałohii i manitorynhu navakolnaha asiarodździa (Homielabłhidramiet).
Mocnyja liŭni supravadžalisia mahutnym vietram z paryvami da 18 m/ s. Pavodle infarmacyi abłasnoha ŭpraŭleńnia MNS, nočču viecier u Homieli byŭ nastolki mocnym, što vyryvaŭ z karaniami drevy. Try drevy ŭpali na aŭtamabili, pryparkavanyja ŭ dvarach. Ź ludziej nichto nie paciarpieŭ.
U ciapierašni čas u Homieli praciahvaje iści mocny doždž. Pavodle prahnozach sinoptykaŭ, daždžlivaje nadvorje z praliŭnymi daždžami i paryvami vietru 15-20 m/s zachavajecca da zaŭtra. 21 maja nadvorje značna palepšycca, viecier scichnie, tempieratura pavietra padymiecca da plus 20 hradusaŭ.
0
0
0
0
0
0
