U vyniku stralaniny kala Biełaha doma ŭ Vašynhtonie paranieny čałaviek. Jon dastaŭleny ŭ balnicu ŭ krytyčnym stanie
Na fota — supracoŭniki sakretnaj słužby, washingtonpost.com
Bieły dom u Vašynhtonie ačapili paśla stralby kala jaho, paviedamlaje Reuters sa spasyłkaj na pravaachoŭnyja orhany.
Paranieny čałaviek. Jaho ŭ krytyčnym stanie dastavili ŭ balnicu, napisaŭ u svaim Twitter miascovy pažarny departamient.
Pa dadzienych CNN, jaki spasyłajecca na krynicu ŭ pravaachoŭnych orhanach, supracoŭniki sakretnaj słužby ZŠA — adna jaje z funkcyj zaklučajecca ŭ achovie pieršych asob krainy — adkryli stralaninu pa mužčynie na kantrolna-prapusknym punkcie kala Biełaha doma. Pryčynaj stała toje, što toj razmachvaŭ zbrojaj.
Paźniej dźvie krynicy, znajomyja ź situacyjaj, raspaviali telekanału, što padazravany byŭ paranieny ŭ žyvot.