Z nahody jubileju ŭ pres-klubie adbyłasia śviatočnaja viečaryna, udzieł u jakoj uziali viadomyja ŭ krainie palityki i hramadzkija dziejačy, pravabaroncy, svajaki represavanych palitykaŭ.
Prysutničali pradstaŭniki šerahu ambasadaŭ eŭrapiejskich krain, a taksama — pavierany ŭ spravach ZŠA ŭ Biełarusi Skot Rołand i čalcy amerykanskaha dyplamatyčnaha pradstaŭnictva.
Pieśniaj «Maja kraina» imprezu raspačała śpiavačka Kasia Kamockaja.
Pieršaje słova ŭziaŭ staršynia «Viasny» Aleś Bialacki. Jon nahadaŭ, z čaho pačynałasia dziejnaść «Viasny», akreśliŭ chroniku 20-hadovaj dziejnaści: dapamohu sotniam aktyvistaŭ, pieraśledavanych uładami, zakryćcio arhanizacyi i represii suprać samich aktyvistaŭ «Viasny».
Pavierany ambasady ZŠA Rołand Skot i Aleś Bialacki
«Sytuacyja z pravami čałavieka ŭ Biełarusi nie źmianiłasia, i misija «Viasny» nie zavieršanaja», — padkreśliŭ Aleś Bialacki.
Upaŭnavažany biuro pa demakratyčnych instytutach i pravach čałavieka ABSE ŭ pryvitalnym słovie padkreśliŭ značnuju rolu ŭ spravie abarony pravoŭ čałavieka ŭsioj «Viasny» i asabista staršyni arhanizacyi Alesia Bialackaha, jaki z pryčyny svajoj dziejnaści adbyŭ try hady turemnaha źniavoleńnia.
Pradstaŭnik Eŭraźviazu Džym Kazans vykazaŭ zachapleńnie dziejnaściu «Viasny» i jaje aktyvistaŭ, a taksama zapeŭniŭ u dalejšym supracoŭnictvie.
Pieršy sakratar ambasady ZŠA Monika Płant u svajoj pramovie vykazała spadziavańnie, što «dziejnaść «Viasny» paspryjaje tamu, što Biełaruś stanie svabodnaj i demakratyčnaj krainaj».
Svoj vystup jana skončyła vokličam «Žyvie Biełaruś!», na jaki zala adhuknułasia apladysmentami.
Były staršynia Viarchoŭnaha Savietu Miečysłaŭ Hryb skazaŭ, što «Viasna» adznačaje nia prosta 20-hodździe dziejnaści, a dvaccacihodździe zmahańnia za pravy čałavieka ŭ nievierahodna składanych umovach.
Miečysłaŭ Hryb
Staršynia jašče adnoj pravaabarončaj arhanizacyi — Biełaruskaha Chelsynskaha kamitetu — Aleh Hułak adznačyŭ, što historyja «Viasny» — heta historyja sučasnaj Biełarusi: składanaja, dramatyčnaja i plonnaja ŭ budučyni.
Ź jubilejem «Viasnu» pavinšavali taksama pradstaŭniki šerahu niaŭradavych arhanizacyjaŭ Biełarusi, pravaabaroncy, jurysty, palityki.
Padarunkami dla jubilaraŭ stali fatazdymki, sałodkija pačastunki, a taksama śpievy i bieł-čyrvona-biełyja kvietki.
