U traŭni fond Fenox Venture Capital, jaki naležyć biełaruskamu biznesoŭcu Vitalu Arbuzavu, uvajšoŭ u puł, stvorany inviestycyjnym padraździaleńniem karparacyi Samsung dla finansavańnia amierykanskaha prajekta Afero.
Jak paviedamlaje Srunchbase, vienčurny fond Samsung Catalyst, jaki naležyć Samsung Electronics, u traŭni hetaha hoda vystupiŭ u jakaści viadučaha inviestara pa pryciahnieńni srodkaŭ dla kalifarnijskaha startapa Afero. U vyniku ŭ pieršym raŭndzie sindykatam zacikaŭlenych vienčurnych fondaŭ i pryvatnych asob udałosia sabrać 20,3 młn dalaraŭ.
Akramia arbuzaŭskaha FVC i Samsung Catalyst Fund, jaki śpiecyjalizujecca na finansavańni inavacyjnych vobłačnych technałohij, u puł uvajšli jašče 5 udzielnikaŭ. Siarod ich vyłučajecca vienčurny fond Presidio Ventures, stvorany ŭ 1998 hodzie viadomaj japonskaj kampanijaj Sumitomo Corporation. Z momantu svajho zasnavańnia Presidio Ventures inviestavaŭ bolš čym u 150 startapaŭ u ZŠA 200 młn dołaraŭ.
U puł u jakaści pryvatnaha inviestara uvajšoŭ i saŭładalnik amierykanskaj kampanii Linear Technology Dobkin Robiert. Ciozka «našaha Dobkina» (prezidenta i akcyjaniera EPAM Systems Arkadź Dobkin) stajaŭ la vytokaŭ hetaha bujnoha vytvorcy anałahavych intehralnych mikraschiem i da hetaha času źjaŭlajecca techničnym dyrektaram kampanii. Mikraschiemy Linear Technology vykarystoŭvajucca ŭ telekamunikacyjnaj halinie, u mabilnych telefonach, noŭtbukach i nastolnych kampjutarach, videa i multymiedyja, pramysłovych vymiaralnych pryborach, aŭtamabilnaj elektronicy, aŭtamatyzacyi vytvorčaści, kiravańni technałahičnymi pracesami, vajennych i kaśmičnych sistemach. U 2010 hodzie Forbes nazvaŭ Linear Technology «adnoj z samych prybytkovych kampanij tek-industryi».
Abjektam cikaŭnaści takich surjoznych inviestaraŭ staŭ stvorany ŭ 2014 hodzie dvuma viadomymi ŭ śviecie vysokich technałohij śpiecyjalistami Džonam Brytam i Šynam Macumuram startap pa raspracoŭcy i ŭkaranieńni IoT- Afero płatformy. Džon Bryt pačynaŭ karjeru ŭ kampanii Apple, a da stvareńnia Afero niekalki hadoŭ pracavaŭ u Google. Šyn Matsumura pracavaŭ u kampanijach GE Corporate, Mitsui & Co. i Movida.
Jak paviedamlajecca, Afero prapanuje prahramnaje zabieśpiačeńnie, zdolnaje abjadnoŭvać roznyja pryłady, mabilnyja dadatki i vobłačnyja servisy. Z dapamohaj śpiecyjalnaha modula BLE (biespravadnaja technałohija Bluetooth ź nizkim enierhaspažyvańniem), raspracavanaha japonskaj kampanijaj Murata, da vobłačnych siervieraŭ Afero moža być padklučana lubaja pryłada. Płatforma, u adroźnieńnie ad bolšaści prapanoŭ na rynku internetu rečaŭ (IoT), pracuje ź lubym aparatnym i prahramnym zabieśpiačeńniem.
