Fota Siarhieja Hudzilina
Nastaŭnica 74-j minskaj himnazii, paciarpiełaja ad napadu vučnia, atrymaje kampiensacyju, paviedamiła 26 maja na pres-kanfierencyi ŭ Minsku pres-sakratar Ministerstva adukacyi Julija Baradun.
Pamier kampiensacyi, pavodle jaje słoŭ, budzie vyznačany asobna. «Departamient pa pracy vyniesie pastanovu pa hetym vypadku, pakolki heta biesprecedentny vypadak, i budziem spadziavacca, što jon pieršy i apošni», — skazała pres-sakratar.
«Viadoma, heta strašnaja situacyja, — dadała Baradun. — Zaraz nad joj pracuje Śledčy kamitet, i kamientaroŭ pa samoj situacyi ja dać nie mahu. Što tyčycca našaha ministerstva, to my płanujem va ŭzajemadziejańni ź inšymi viedamstvami, u tym liku Ministerstvam unutranych spraŭ, dadatkova prapracavać miery biaśpieki. Jak tolki płan budzie raspracavany, my abaviazkova pradstavim jaho hramadskaści».
***
Nahadajem, ranicaj 23 maja vučań 9-ha kłasa 74-j himnazii Minska napaŭ na 57-hadovuju nastaŭnicu z nažom, naniosšy joj niekalki ŭdaraŭ u vobłaść šyi. Piedahoh u ciažkim stanie była dastaŭlenaja ŭ balnicu. U dačynieńni da padletka pryznačanaja kompleksnaja psichołaha-psichijatryčnaja ekśpiertyza. Pa stanie na 25 maja jon nie davaŭ pakazańniaŭ.
