Uviečary 24 maja na mohiłkach u Navahrudku hramadzianie ŭbačyli na manumiencie i ścienach ramantujemaj kaplicy cyničny malunak i nadpisy, pra što prainfarmavali pravaachoŭnyja orhany. Padčas ahladu miesca zdareńnia śledčyja, ekśpierty i supracoŭniki milicyi vyjavili i kanfiskavali bałončyk z reštkami farby, jak miarkujecca vykarystanaj padazravanymi.
U vyniku dalejšych śledčych dziejańniaŭ i apieratyŭna-vyšukovych mierapryjemstvaŭ ustanoŭleny ich asoby. U ździajśnieńni złačynstva padazrajucca dźvie 14-hadovyja žycharki rajcentra, navučenki adnoj ź siarednich škoł Navahrudka. Abiedźvie da kryminalnaj adkaznaści nie pryciahvalisia, vychoŭvajucca ŭ dobrych siemjach.
Malunki i nadpisy nanosili ŭ prysutnaści adnahodak.
Śledčyja praciahvajuć vyśviatleńnie ŭsich abstavinaŭ, u tym liku matyvaŭ, jakimi kiravalisia niepaŭnaletnija. Dapytvajucca ich siabry, znajomyja i svajaki, źbirajucca charaktaryzujuć asoby materyjały. Pryznačanyja nieabchodnyja ekśpiertyzy.
Śledčyja nahadvajuć, što zhodna z Kryminalnym kodeksam Respubliki Biełaruś, za ździajśnieńnie padobnaha złačynstva kryminalnaja adkaznaść nastupaje z 14 hadoŭ, i rekamiendujuć hramadzianam nadavać bolš uvahi pravavoj adukaciy dziaciej, rastłumačvajučy niaŭchilnaść adkaznaści za luboje supraćpraŭnaje dziejańnie.
