Alaksandr Łukašenka pavinšavaŭ kamandavańnie, asabovy skład, vieteranaŭ orhanaŭ pahraničnaj słužby krainy z prafiesijnym śviatam — Dniom pahraničnika, jaki adznačajecca 28 maja.
«Abarona rubiažoŭ Ajčyny va ŭsie časy ličyłasia spravaj mužnych voinaŭ, jakija stojka abierahajuć rodnuju ziamlu ad lubych zamachaŭ. My schilajem hałovy pierad pamiaćciu tych bajcoŭ, jakija ŭ hady Vialikaj Ajčynnaj vajny pieršymi sustreli voraha i zapłacili svaim žyćciom za našu mirnuju budučyniu», — havorycca ŭ vinšavańni.
Alaksandr Łukašenka adznačyŭ, što ciapierašniaje pakaleńnie pahraničnikaŭ bieražliva zachoŭvaje i prymnažaje ratnyja tradycyi svaich papiarednikaŭ, aktyŭna procidziejničaje mižnarodnamu teraryzmu, niezakonnaj mihracyi, kantrabandzie i inšym pravaparušeńniam. «Upeŭnieny, što va ŭmovach novych ryzyk i vyklikaŭ sučasnaści vy, jak sapraŭdnyja patryjoty, budziecie i ŭ dalejšym z honaram abaraniać našy nieparušnyja rubiažy», — padkreśliŭ Kiraŭnik dziaržavy.
Jon vykazaŭ słovy asablivaj udziačnaści vieteranam-pahraničnikam, jakija pakazali sapraŭdny prykład addanaści Radzimie i biezzapavietnaha słužeńnia svajmu narodu.
