Ministr unutranych spraŭ Ihar Šunievič siońnia ŭ čas spartyŭnaha śviata MUS raspavioŭ žurnalistam, što kožny dzień zajmajecca ranišniaj himnastykaj i lubić katacca na rovary.
«Raniej atrymlivałasia addavać sportu bolš času, ciapier ja zajmajusia, kali maju svabodnyja chviliny. Ale kožny dzień rablu ranišniuju himnastyku i vielmi lublu rovar», — adznačyŭ Ihar Šunievič.
Supracoŭnik orhanaŭ unutranych spraŭ nie moža słužyć biez dobraj fizičnaj padrychtoŭki, jak i bieź psichałahičnaj abo jurydyčnaj, padkreśliŭ ministr. «Tamu možna skazać, što sport i słužba, jak sinonimy, iduć adzin z adnym pa žyćci, — ličyć jon. — Biez spartyŭnaj padrychtoŭki niemahčyma vykanać i zadačy, jakija staviacca pierad vajskoŭcami».
Jak adznačyŭ Ihar Šunievič, u situacyjach, kali prychodzicca ratavać ludziej, biez spartyŭnaj padrychtoŭki i śpiecyjalnych navykaŭ nie abyścisia. Taksama, na jaho dumku, kab być u harmonii z suśvietam, važna nie tolki vieści zdarovy ład žyćcia, zajmacca sportam, ale i lubić spravu, jakuju abraŭ.
