Pieraličanym vyšej pradpryjemstvam chołdynhu «Aŭtakampanienty» buduć vydzieleny biudžetnyja pazyki da 39,6 młn. dołaraŭ ZŠA ŭ metach stabilizacyi ich finansavaha stanu. Heta praduhledžana ŭkazam № 180, jaki Alaksandr Łukašenka padpisaŭ 26 maja. Dakumient siońnia apublikavany na Nacyjanalnym pravavym internet-partale.
Ministerstvu finansaŭ daručana da 15 červienia ažyćciavić emisiju dziaržaŭnych doŭhaterminovych ablihacyj da 39,6 młn. dołaraŭ sa štokvartalnaj vypłataj pačynajučy z červienia 2016 hoda pracentnaha dachodu ŭ pamiery nie bolš za 7% hadavych i pahašeńniem hetych ablihacyj štokvartalna roŭnymi dolami pačynajučy z II kvartała 2018 hoda pa II kvartał 2021 hoda, a taksama z mahčymaściu ich abmienu na ablihacyi inšych vypuskaŭ i raźmiaščeńniem nazvanych doŭhaterminovych ablihacyj šlacham pramoha prodažu pa naminalnym košcie: AAT «Biełaruski bank rekanstrukcyi i raźvićcia» — da 24,7 młn. dołaraŭ; AAT «Biełźniešekanombank» — da 7,7 młn.; AAT «Bank Maskva-Minsk» — da 4 młn.; AAT «Fransabank» — da 3,2 młn.
Taksama da 15 červienia daručana dać udzielnikam chołdynhu «Aŭtakampanienty» sa srodkaŭ respublikanskaha biudžetu, jakija pastupili ad raźmiaščeńnia dziaržaŭnych doŭhaterminovych ablihacyj, biudžetnyja pazyki ŭ 39,6 młn. dołaraŭ z vypłataj štomiesiac 7% hadavych. Pry hetym AAT «Barysaŭski zavod aŭtatraktarnaha elektraabstalavańnia» — kirujučaja kampanija chołdynhu «Aŭtakampanienty» budzie vydzielena da 21,7 młn. dołaraŭ; AAT «Barysaŭski zavod «Aŭtahidraŭzmacnialnik» — da 11,9 młn., AAT «Biełkard «(Hrodna) — da 4,6 młn., AAT» Ekran «(Barysaŭ) — da 1,4 młn.
Viartańnie biudžetnych pazyk ažyćciaŭlajecca ŭ adpaviednaści z hrafikam, uzhodnienym ź Ministerstvam finansaŭ, z sakavika 2018 hoda pa sakavik 2021-ha. Piersanalnaja adkaznaść za metavaje vykarystańnie hrošaj i vykanańnie abaviazacielstva pa viartańni pazyk i pracentaŭ pa ich uskładziena na ministra pramysłovaści i dyrektaraŭ pradpryjemstvaŭ chołdynhu.
Atrymanyja pazyki nakiroŭvajucca na pahašeńnie zapazyčanaści, u tym liku praterminavanaj, vypłatu pracentaŭ i inšych ŭznaharodžańniaŭ pa hetych apieracyjach, u tym liku praterminavanych, vynikaje z ukaza.
