Pa vynikach pasiadžeńnia 25 maja Sienat Jeŭrapiejskaha humanitarnaha ŭniviersiteta (EHU) uchvaliŭ nastupnuju Zajavu.
EHU — heta ŭnikalny akademičny prajekt, jaki navat u samych ciažkich abstavinach dakazvaŭ ułasnuju žyćciazdolnaść. EHU začyniali, paśla vymušanaj emihracyi ŭ Litvu jamu nie raz pradrakali chutki kaniec. Univiersitet uvachodziŭ u zony kiraŭničaj i finansavaj turbulentnaści, pieražyvaŭ dramatyčnyja kadravyja straty. Siońnia ŭniviersitet znoŭ staŭ mišeńniu dla krytyki, što vyklikana nieefiektyŭnaściu madeli kiravańnia i dziejańniami asobnych kiraŭnikoŭ EHU na praciahu apošnich hod.
U suviazi z hetym my žadajem padkreślić, što, niahledziačy na budź-jakija ŭnutranyja i źniešnija vykliki, univiersitet zaŭždy paśpiachova spraŭlaŭsia z asnoŭnaj instytucyjnaj zadačaj — zabiaśpiečvać vysokuju jakaść adukacyjnych prahram. My zachoŭvajem prychilnaść da svaich akademičnych tradycyj i zastajemsia adzinaj biełaruskaj VNU, što volnaja ad ideałahičnaha kantrola i ŭ poŭnaj stupieni ŭklučana ŭ jeŭrapiejskuju adukacyjnuju prastoru. Stvorany biełaruskimi intelektuałami čverć stahodździa tamu, EHU praciahvaje žyć i raźvivacca, a jaho akademičnaja supolnaść cyvilizavanym čynam paznačaje svajo prava na ŭniviersitet.
Realizujučy hetaje prava, 25 maja Sienat EHU pryniaŭ rašeńnie źviarnucca da Ahulnaha schoda suzasnavalikaŭ EHU, Kirajuŭčaj rady EHU, asnoŭnych donaraŭ, a taksama MZS Litoŭskaj Respubliki z prapanovaj pryniać nieadkładnyja miery dla adnaŭleńnia reputacyi i instytucyjnaj stabilnaści univiersiteta, što byli pastaŭleny pad pahrozu z pryčyny surjoznych pralikaŭ ciapierašniaha kiraŭnictva EHU.
U tekście Zvarota adznačanyja piać krokaŭ, jakija nieabchodna pryniać dla zabiaśpiečańnia ŭstojlivaha raźvićcia ŭniviersiteta: 1. Nieadkładna adazvać Devida Polika z pasady rektara EHU; 2. Nieadkładna adazvać v.a. staršyni Kirujučaj rady E. Łonsdejł i namieśnika staršyni Kirujučaj rady D. Devidsana; 3. Zabiaśpiečyć parytetny ź inšymi stejkchołderami ŭdzieł akademičnaj supolnaści ŭ pracesie adbora novaha rektara; 4. Zamarozić chaatyčny praces pryniaćcia rašeńniaŭ u dačynieńni da dalejšaha losa Univiersiteta, jaki zaraz maje miesca, i uvieści antykryzisnaje kiravańnie z udziełam pradstaŭnikoŭ akademičnaj supolnaści; 5. Zabiaśpiečyć realny ŭdzieł akademičnaj supolnaści ŭ sastaŭleńni biudžeta ŭniviersiteta i kantroli za vydatkami biudžetnych srodkaŭ.
Sienat EHU vykazvaje hłybokuju padziaku Litoŭskaj Respublicy, usim donarskim arhanizacyjam, pradstaŭnikam jeŭrapiejskaj i mižnarodnaj supolnaści, jakija padtrymlivali i praciahvajuć padtrymlivać univiersitet, zachoŭvajučy ŭpeŭnienaść u vyklučnaj značnaści hetaha akademičnaha prajekta dla jeŭrapiejskaha raźvićcia biełaruskaha hramadstva. My ŭdziačny taksama pradstaŭnikam hramadzianskaj supolnaści Biełarusi za vykazvajemuju zakłapočanaść losam EHU i zajaŭlajem ab ułasnaj adkrytaści da supracy z adnym ź źmiastoŭnych stejkchołdaraŭ univiersiteta.
Naša meta — zachavać i pašyryć prastoru intelektualnaj svabody, krytyčnaha myšleńnia i kreatyŭnaha dziejańnia, jakija pryncypovym čynam adroźnivajuć EHU ad inšych biełaruskich VNU. My šanujem asablivuju atmaśfieru znosin studentaŭ i vykładčykaŭ, hanarymsia dasiahnieńniami našych studentaŭ i vypusknikoŭ. Ich ščyraja padtrymka źjaŭlajecca pierakanaŭčym śviedčańniem značnaści EHU jak adukacyjnaha i daśledčaha prajekta i robić nas paŭnavartasnaj akademičnaj supolnaściu.
***
Sienat źjaŭlajecca kalehijalnym orhanam kiravańnia EHU, jaki funkcyjanuje na asnovie oksbrydžskaj madeli akademičnaha samakiravańnia (čalcami Sienata źjaŭlajucca ŭsie vykładčyki EHU, jakija majuć vučebnuju nahruzku ad 0,75 staŭki i vyšej, a taksama 5 čalcoŭ Studenckaha pradstaŭnictva).
Zvarot byŭ pryniaty zhodna z Rehłamientam Sienata EHU. U pasiadžeńni Sienata pryniali ŭdzieł 27 z 51 čalca Sienata. Za pryniaćcie Zvarota prahałasavali 51,8% udzielnikaŭ pasiadžeńnia.
