Pra heta paviedamiŭ staršynia Minharvykankama Andrej Šorac siońnia na haradskim schodzie ŭpaŭnavažanych V Usiebiełaruskaha narodnaha schodu.
«Siońnia Minsk pa zabiaśpiečanaści handlovymi płoščami apiaredžvaje takija harady Jeŭropy, jak Varšava, Budapiešt, Bucharest, Vilnius i Madryd», — skazaŭ mer.
Jon infarmavaŭ, što štohod pryrost handlovaj infrastruktury składaje ŭ horadzie da 100 tys. kv.m płoščaŭ mahazinaŭ. «Heta daje mahčymaść mieć zbałansavanuju sistemu raźvićcia i raźmiaščeńnia handlovych abjektaŭ, a taksama vysoki kamfort dla nasielnictva pry ažyćciaŭleńni pakupak», — padkreśliŭ Andrej Šorac.
U minułym piacihodździ, pavodle jaho słoŭ, u stalicy ŭviedzieny ŭ ekspłuatacyju bolš jak 1,8 tys. abjektaŭ handlu i hramadskaha charčavańnia, zabiaśpiečanaść handlovymi płoščami skłała 600 kv.m na 1 tys. žycharoŭ.
«Da 2020 hoda handlovaja sietka horada ŭ paraŭnańni ź isnujučaj pavialičycca praktyčna ŭ dva razy, sietka hramadskaha charčavańnia pavialičycca na treć», — infarmavaŭ ab płanach staršynia Minharvykankama.