U horadzie Mižrečansku Kiemieraŭskaj vobłaści (Rasija) abrynuŭsia padjezd žyłoha piacipaviarchovika. Adzin čałaviek zahinuŭ, jašče troje paciarpieli, raspaviała RIAN krynica ŭ ekstrannych słužbach rehijonu.
Pad abrynutymi pierakryćciami mohuć znachodzicca da dziesiaci čałaviek, udakładniła jana. Pa słovach pradstaŭnika rehijanalnaha hłaŭka MNS, na razbory zavałaŭ pracujuć 175 ratavalnikaŭ i 39 adzinak techniki.
Śledčaje ŭpraŭleńnie SK pa Kiemieraŭskaj vobłaści raspačało spravu pa artykule ab parušeńni praviłaŭ biaśpieki pry praviadzieńni budaŭničych rabot. Pavodle papiarednich dadzienych, na pieršym paviersie doma znachodziłasia krama, dzie vialisia ramontnyja pracy. Śledčyja pravierać, ci na zakonnych padstavach išoŭ ramont. Budaŭniki zatrymanyja, paviedamiła aficyjny pradstaŭnik SUSK Nadzieja Anańjeva. Pavodle jaje dadzienych, pierakryćci abvalilisia ŭ trecim padjeździe ź pieršaha pa piaty pavierch. Žychary evakujavanyja, vyrašajecca pytańnie ab ich raśsialeńni.
Pravierkaj taho, ci vykonvalisia praviły biaśpieki pry budaŭničych rabotach, zaniałasia taksama Hienprakuratura. Hubiernatar Kiemieraŭskaj vobłaści Aman Tulejeŭ uznačaliŭ apieratyŭny štab pa rasśledavańni pryčyn abvalvańnia. Pa rašeńni hubiernatara, siemjam zahinułych i paciarpiełym akažuć materyjalnuju dapamohu.
