Jeŭrapiejski centralny bank na čarhovym pasiadžeńni pakinuŭ asnoŭnyja instrumienty svajoj kredytna-hrašovaj palityki na ŭzroŭni apošnich dvuch miesiacaŭ. Jak paviedamlaje rehulatar, bazavaja pracentnaja staŭka zachavałasia na nulavym uzroŭni, staŭka pa depazitach — na ŭzroŭni minus 0,4%, maržynalnaja staŭka — na ŭzroŭni 0,25%.
Bieź źmien zastałasia i prahrama «kolkasnaha źmiakčeńnia» (QE) pa štomiesiačnaj skupcy rehulataram daŭhavych ablihacyj ź inviestycyjnym rejtynham, jakaja na pasiadžeńni 10 sakavika była pavialičana z €60 młrd da €80 młrd.
Na pasiadžeńni 10 sakavika JECB paniziŭ staŭki i pavialičyŭ prahramu kolkasnaha źmiakčeńnia na fonie deflacyjnych ryzyk u jeŭrazonie. Takim čynam rehulatar spadziajecca stymulavać rost jeŭrapiejskaj ekanomiki i razahnać inflacyju da prymalnaha dla raźvitych ekanomik uzroŭniu ŭ 2%.
Rynak čakaŭ, što klučavyja pakazčyki zastanucca bieź źmienaŭ. Ciapier analitykam treba budzie dačakacca pres-kanfierencyi kiraŭnika JECB Marya Drahi, na jakoj jon, jak miarkujecca, ahučyć prahnozy pa inflacyi i rostu jeŭrapiejskaj ekanomiki.
