Novy prezident FIFA Džani Infancina hatovy pryjechać u Minsk u trecim kvartale hetaha hoda, ale najbližejšym časam zaniaty, paviedamiŭ 2 červienia na pres-kanfierencyi ŭ Minsku pieršy namieśnik staršyni Biełaruskaj fiederacyi futboła Siarhiej Safarjan, spasyłajučysia na atrymany 31 maja list ź FIFA.
Pavodle słoŭ Safarjana, chutčej za ŭsio, havorka idzie pra arhanizacyju vizitu ŭ vieraśni — apošnim miesiacy treciaha kvartała. «My raspačniom bolš kankretnuju pierapisku, nie nastojvajučy na nieadkładnym pryjeździe», — skazaŭ futbolny čynoŭnik.
Infancina byŭ abrany prezidentam FIFA 26 lutaha na daterminovych vybarach. Jaho papiarednik Jozef Błater syšoŭ sa svajoj pasady paśla abvinavačvańniaŭ u karupcyi. Raniej mierkavałasia, što Infancina pryjedzie ŭ Minsk u druhim kvartale hetaha hoda. BFF płanavała prymierkavać vizit da zdačy ŭ ekspłuatacyju techničnaha centra zbornych kamand.
