Na vulicy Kazłova znoŭ ramantujuć tramvajnyja šlachi. Tamu da 2 červienia tramvai praz praspekt Niezaležnaści (b. Skaryny) chadzić nia buduć.
«Adzinka» ad płoščy Miaśnikova budzie chadzić tolki da razvarotnaha kalca na płoščy Źmitraka Biaduli.
Tamsama budzie razvaročvacca i 6‑y maršrut ź Sierabranki.
Z boku Zialonaha Łuhu zastaŭsia tolki 5‑y maršrut, a № 3, 4, 8, 10, 11 da leta spynili isnavańnie.
Źviazvaje «adzinku» dy «šaściorku» ź «piaciorkaj» časovy aŭtobusny maršrut № 152, jaki chodzić ad Płatonava, zavaročvaje na Čapajeva, paśla na Źmitraka Biaduli, adtul pa Kazłova, Mašerava (b. Varvašeni), z razvarotam pa vulicach Kujbyšva, Charužaj i Čyrvonaj i nazad pa Kazłova da Płatonava. Jeździć na im možna jak pa aŭtobusnych, tak i pa tramvajnych prajaznych.
Adnak blizki šlach moža akazacca doŭhim: Kazłova dy Čyrvonaja słaviacca svaimi zatorami. Jak varyjant, možna pierasieści z tramvaju na metro z prypynkaŭ la Traktarnaha zavodu, univermahu «Biełaruś», čyhunačnaha vakzału, liceju BDU dy płoščy Jakuba Kołasa.
U Paŭnočnym pasiołku da kanca traŭnia taksama źmieny: aŭtobusy chodziać u abjezd vulicy Nieścierava pa vulicach Anharskaj, Arcioma, Irkuckaj, Bajkalskaj i Ałtajskaj.