Hramadzianie Ukrainy stali čaściej razmaŭlać na ŭkrainskaj movie jak doma, tak i na pracy.
patrioty.org.ua
Pra heta śviedčać vyniki apytańnia, praviedzienaha Centram Razumkova 11-23 śniežnia 2015 va ŭsich rehijonach Ukrainy za vyklučeńniem Kryma i akupavanych terytoryj Danieckaj i Łuhanskaj abłaściej.
Bolšaść — 60% — hramadzian ličać rodnaj movaj ukrainskuju, 15% — ruskuju, 22% — i ŭkrainskuju, i ruskuju ŭ roŭnaj stupieni, 2% respandentaŭ ličać rodnymi inšyja movy.
U 2006 hodzie ŭkrainskuju movu jak rodnuju adznačyli 52% respandentaŭ, ruskuju — 31%, ukrainskuju i ruskuju ŭ roŭnaj stupieni — 16%, inšyja movy — 1%.
Na Zachadzie i ŭ Centry dla bolšaści rodnaj movaj źjaŭlajecca ŭkrainskaja (adpaviedna, 93% i 78%). Na Poŭdni i Uschodzie blizkija doli respandentaŭ nazyvajuć rodnymi ŭkrainskuju i dźvie movy ŭ roŭnaj stupieni (adpaviedna, 35% i 38%, i 37% i 34%).
Na Danbasie adnosnaja bolšaść (40%) respandentaŭ ličać rodnaj ruskuju movu, dźvie movy — 34%, ukrainskuju — 20%.
Takim čynam, dola hramadzian, jakija ličać rodnaj movaj ukrainskuju, a taksama dźvie movy adnačasova — pavialičyłasia, ruskuju movu — źmienšyłasia.
Doma 44% respandentaŭ razmaŭlajuć na ŭkrainskaj movie, 5% — pieravažna pa-ŭkrainsku. 13% apytanych razmaŭlajuć doma na ruskaj movie, 11% — pieravažna na ruskaj. 25% hramadzian kamunikujuć doma časam na ŭkrainskaj, časam — na ruskaj, 1,4% — na inšych movach. U 2006 hodzie 39% apytanych doma razmaŭlali na ŭkrainskaj movie, 7% — pieravažna na ŭkrainskaj, 15% — časam na ŭkrainskaj, časam na ruskaj, 28% — na ruskaj, 10% — pieravažna na ruskaj.
40% apytanych kamunikujuć pa-za domam na ŭkrainskaj movie, 6% — pieravažna pa-ŭkrainsku. 12% respandentaŭ kamunikujuć na ruskaj movie, 11% — pieravažna na ruskaj. 29% respandentaŭ kamunikujuć na dźviuch movach — ukrainskaj i ruskaj.
U 2005 hodzie na pytańnie «Na jakoj movie vy čaściej kamunikujecie na pracy?» adnolkavyja doli (pa 37%) respandentaŭ adkazali, što razmaŭlali na ŭkrainskaj i ruskaj movach, na dźviuch movach — 21%.
Usiaho byŭ apytany 10 071 respandent va ŭzroście ad 18 hadoŭ. Tearetyčnaja chibnaść vybarki — 1%.
